Бөлүмдөр
Бейшемби, 20-сентябрь
Баткен облусу, Баткен 20.06.2018 12:04

Видео — Баткенде селден улам шагыл толгон каналдар тазаланып жатат

Turmush -  Селдин кесепетинен улам Баткен шаарын аралап өтүүчү каналда суу токтоп, эгин талаалар суусуз калышты. Бул тууралуу Баткен облустук суу чарба башкармалыгынын башчысы Мамашарип Бердалиев билдирди.

Анын айтымында, 17-18-июнь күндөрү жаандан улам сел жүрүп, Төрт-Гүл суу сактагычынан суу алып чыгуучу магистралдык каналдын 200 метрдей жерине шагыл толуп калган. Каналдын жалпы узундугу 17 км 300 метрди түзөт. Учурда каналды тазалооого 2 техника тартылып, жумуш кызуу жүрүп жатат. Тазалоо иштери бүгүн аяктап, каналдан суу бериле баштайт. Бул канал аркылуу Баткен районунун аймагындагы Төрт-Гүл, Кара-Бак айыл өкмөттөү жана Баткен шаары сугат суу менен камсыз болот.

Ал эми ӨКМдин маалыматына караганда, Баткен шаарында 5 үйдүн ичи жана 150 метр канал тазаланды. Төрт-Гүл айыл аймагындагы Ак-Өтөк айылында сел өтүүчү сайдын 120 метр аралыгы тазаланып, Чоң-Кара, Зарташ, Ак-Турпак айылдарын таза жана сугат суу менен камсыз кылуучу арыктын башы калыбына келтирилип, элге суу берилди.

Самаркандек айыл аймагындагы Самаркандек айылында 100 метр дамбаны, Дара айыл аймагындагы Жаңы-Жер айылында 290 метр дамбаны калыбына келтирүү иштери аткарылды. 42 метр канал калыбына келтирилип, жумуш толугу менен аяктады. Ак-Татыр айыл аймагындагы Рават айылында 100 метр аралыктагы ички чарбалык арыктар тазаланды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×