Бөлүмдөр
Шаршемби, 25-апрель
Баткен

Баткендеги №30630 аскер бөлүктүн 9 жылдыгы белгиленүүдө

Turmush -  Баткендеги №30630 аскер бөлүктүн 9 жылдыгы белгиленүүдө. Бул тууралуу Turmush басылмасынын аймактык кабарчысы маалымдады.

Аскер бөлүктүн өздүк курам менен иштөө бөлүгүнүн командири Эрлан Сооронбаевдин айтымында, аскер бөлүктү негиздөөгө 1999-2001-жылдардагы куралчандардын бастырып кирүүсү себеп болгон.

«Куралдуу топтордон коргоо максатында 2009-жылы президенттин жарлыгы менен №30630 аскер бөлүгү негизделген. Быйыл 9 жылдыгы белгиленип жатат. Анын урматына биз облустагы күч түзүмдөрү ортосунда футбол оюнун уюштурганбыз. Анда чек ара кызматынын командасы биринчиликти алды. Жыл сайын ушундай иш-чаралар өтүп келет», - деди Сооронбаев.

Иш-чарага ӨКМден, өкмөттүн Баткен облусундагы өкүлчүлүгүнөн жана Чек ара башкармалыгынан өкүлдөр келишип, белектерди тапшырышты. Мыкты жоокерлер алкыш барактары менен сыйланды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 519
Көп окулду
Учурда окулуп жатат
×