Бөлүмдөр
Бейшемби, 20-сентябрь
Баткен облусу, Баткен 16.02.2018 14:25

Өзбекстан Баткенге белек кылган тез жардам унаалар ооруканаларга тапшырылды

Turmush -  Өзбекстан Баткен облусуна белек кылган медициналык тез жардамдын 2 унаасы дарыгерлерге салтанаттуу түрдө тапшырылды. Бул тууралуу аймактык кабарчы билдирди.

Маалыматка караганда, «Дамаз» үлгүсүндөгү унаалардын ачкычтарын облус жетекчилиги Баткен облустук үй-бүлөлүк дарыгерлер борборунун жана Кадамжай районунун Жаңы-Жер жалпы дарыгерлер практикалык борборунун жетекчилерине тапшырышты. Ак халатчандар медициналык унаалардын келиши менен элдин саламаттыгына кам көрүүдөгү шарттар бир топ жеңилдей тургандыгын билдиришти.

Окуя тууралуу:

Кечээ, 15-февралда Өзбекстандын Фергана облусу Баткен облусуна медициналык тез жардамдын 2 унаасын белек кылгандыгы кабарланган. «Дамаз» үлгүсүндөгү унаалар Өзбекстандын «Вадил» чек ара өткөрмө бекети менен Кыргызстандын «Кадамжай» унаа көзөмөл-өткөрүү бекетинин жанында салтанаттуу тапшырылган. Тез жардам унааларынын бири Баткен шаарынын калкын тейлөө үчүн берилсе, экинчиси Кадамжай районунун Жаңы-Жер жалпы дарыгерлер практикалык борборуна берилмек болгон.

Иш-чарага Баткен облусунун жетекчиси Абиш Халмурзаев, Өзбекстандын Фергана облусунун башчысы Шухрат Ганиев баштаган жергиликтүү бийлик өкүлдөрү жана жергиликтүү тургундар катышкан. Жетекчилер бири-бирине улуттук кийимдерди белек кылышкан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×