Бөлүмдөр
Шаршемби, 17-октябрь
Баткен облусу, Баткен 22.01.2018 12:45

Айыл турмушу: Баткендик Ж.Матмуратов үй-бүлөсү менен күнүнө 3 кап ундан нан жасап сатат (фото)

Turmush -  Баткен районунун Бужум айылынын тургуну Жолдубай Матмуратов СССР тарагандан бери эле үй-бүлөсү менен нан жасап сатып тиричилик кылат. Аймактык кабарчы наабайчы менен таанышты.

Өзүнүн айтымында, нан жапканды апасынан үйрөнгөн. Күнүнө 3-4 миң сом киреше табышат.

«Бул жумуш жайы-кышы үзгүлтүксүз жүрүп туруучу жумуш. Учурда аялым базарда нан сатат. Кенже балам Азамат, келиним Гүлбурак үчөөбүз бирибиз камыр жууруп, бирибиз от жагып, чогуу нан бышырабыз. Күн сайын 3 кап ундан нан жасалат. Бир каптан 200гө жакын нан чыгат. Кээде тойлорго, мааракелерге деп буйрутма берип жасатышат. Элдин талабына жараша 15 сомдон 25 сомго чейин бааланган нандар жасалат», - деди ал.

Наабайчы 3 уул, 1 кыздын атасы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×